أحيانا بقعد لوحدي أفكر، إيه اللي بعمله في حياتي؟ السعي للترقية، لمرتب أكبر، أو لامتلاك حاجة معينة بحسه pointless.
بفكر أكتر في إيه اللي صح أعمله!
الدنيا ليها آخر، الآخرة مالهاش؛ أعتقد محتاج أحط دا في بالي أكتر.. علاقة الإنسان بربنا أهم من أي حاجة أولاً وأخيرًا، لكن الإنسان بينسى، بيسرح، بيتشغل، بيكسل، والأيام بتخطف بعضها، ربنا يعيننا ويرزقنا حسن الخاتمة.
بس بردو، الدنيا بحد ذاتها ليها معنى، قراراتنا فيها بتأثر على حياتنا، حياة الناس التانية، وآخرتنا؛ فمحتاجة نتعامل معاها كويس بردو.
لو كده، يبقى منطقي أحاول أعيش حياة كويسة، وأحاول اخلي الناس اللي حواليا — بالذات اللي بحبهم — يعيشوا حياة كويسة بردو.
بحاول أعمل دا.. وأحيانا بيصعب عليا قدرتي المحدودة على تحسين الأوضاع، سواء وضعي أنا أو وضع الناس اللي حواليا. مش عارف، يمكن عشان الطريقة اللي دماغي بتشتغل بيها وبتهتم اكتر بالـ effictiveness هي المشكلة. أحيانًا حاجات بسيطة احتمال تساعد على مدار سنين وسنين، هل كده تستاهل المجهود والطاقة؟ مش عارف، أوقات كتير الإجابة بتكون آه.
من كل قلبي بأكن الحب والتقدير لأي حد بيعمل حاجة تندرج تحت التصنيف دا وقدر يساعد في الآخر، حتى وإن بدا للناس إن الموضوع مش selfless وفيه مصلحة شخصية، I don’t believe in selflessness كده كده.
بناء على محدودية الوقت، والطاقة اللي عندي كإنسان، بحس إني محتاج أحدد أولوياتي صح، عشان أقدر أساعد نفسي وغيري، وبجد الموضوع مش بالسهولة اللي هي…
أنا متأكد إن نظرتي في المستقبل ممكن تختلف، ممكن أكون أكثر حكمة، أتمنى... بس حاليًا، وحسب اجتهادي الشخصي يمكن دي الحاجات اللي حاسس إنها فعلا مهمة، وفعلا الإنسان لازم ياخد باله منها (بدون ترتيب):
العبادة: أدي الفروض وابعد عن الكبائر عالأقل، كل واحد بيتحاسب لوحده.
الأسرة والأصدقاء: عادة بيكونوا من أهم مصادر الدعم + صلة الرحم واجبة.
الصحة النفسية: ازاي تفهم أحاسيسك وتعرف تتعامل معاها كويس. بدونها مش هتقدر تعمل حاجة إطلاقًأ.
الصحة البدنية: دي والصحة النفسية بيمشوا مع بعض أوقات كتير، لو واحدة منهم اتضربت عادة التانية بتتأثر. وبدونها بردو مش هتقدر تعمل حاجة. كل كويس، حافظ على لياقتك، حافظ على صحتك.
الجانب المادي: الفلوس بحد ذاتها مش غاية بل وسيلة، بتترجم لخدمات أحسن، تسهيلات، وقدرتك على إنك تساعد غيرك وعلى التغيير بتزيد. اتعلم تتعامل ازاي مع الفلوس، بس ما تديهاش أكبر من حجمها.
الشغل: مش كله جانب مادي، الشغل بيساعد الإنسان ينتج قيمة، يفيد المجتمع، يخرج طاقته في حاجة كويسة — لو شغل كويس — ويتعامل مع ناس تانية.
الصحة العقلية: قدراتك العقلية بتـ degrade مع الوقت لو ما استخدمتهاش، حاول تخليكmentally active سواء شغل محتاج تفكير، رياضة ذهنية، أو غيره.
المساهمة المجتمعية: فكر ازاي بتساعد غيرك، هل وجودك بيضيف حاجة للمجتمع؟ ولو آه، الحاجة دي كويسة ولا وحشة؟ افتكر إنت مش عايش لوحدك، والخير بيلف ويرجع لصحابه. Pay it forward.
وأنا بكتب ال article كنت بفكر فعلا في الجوانب اللي أنا حاسسها مهمة، بس بعد ما وصلت لنقطة رقم 5 بدأت افتكر قد إيه دا شبه ال Wellbeing Dimensions Model، يمكن دي حاجة تشهد قد إيه فعلا الـ Wellbeing مهم وبيساعدك ويساعد غيرك تعيشوا حياة أحسن.
ملحوظة جانبية: أنا شايف جزء الـ Environmental Wellness إلى حد مذكور ضمنيا ضمن الصحة النفسية، المساهمة المجتمعية، والعبادة، فمش حاسه محتاج يتذكر لوحده.
دا ال Model عامة:
ختامًا، كل التمنيات للجميع بالخير والحب والسعادة.
ولو حاسس إني أقدر أساعدك في حاجة ابعتلي سواء DM أو anonymous message، ولو أقدر بإذن الله مش هتأخر.